Kryetari i Partisë Demokratike Lulzim Basha deklaroi se presidenti e informoi në lidhje me faktet tronditëse dhe përfshirjen e maxhorancës në kapjen e Gjykatës Kushtetuese.
Në një prononcim për gazetarët, pas takimit të zhvilluar me aleatët, Basha u shpreh se rrotacioni është i pashmangshëm, dhe nuk ka forcë mbi këtë tokë që do ta ndalë.
“Presidenti i Republikës me ka njohur me të tjera fakte dhe prova tronditëse për përfshirjen e maxhorancës në kapjen e Gjykatës Kushtetuese. Edi Rama do të kapë Gjykatën Kushtetuese që të mbrojë kriminelët. Ky është një grusht i pastër kriminal. Nuk bëhet me ushtri dhe me tanke, por bëhet me shërbetor. Kur bie kushteuta çdo kush është i rrezikuar. Me zgjedhje të lira dhe të ndershme sa më parë, të cilat arrihen duke u dhënë shqiptarëve mekanizmin që këtë zgjedhje të mos vidhen më.
Për ne ky parlament është shpërndar. Çdo ligj i ndërmarrë nga ky parlament është nul. Tani ne jemi të orientuar nga zgjidhja. Ndryshimi është i pashmangshëm. Gjithë beteja është që ta fusë në labirinte që ta zgjasë. Nuk do të ketë forcë ta ndalë ardhjen në pushtet. Krimi është më i fortë se kurrë. Po ua them qartë dhe prerë, ne do të vijojmë bashkë bisedimin me qytetarët, unë do ti dëgjoja ata. Nuk ka forcë mbi këtë dhe që të ndalë rrotacionin. Edi Rama i ka bërë llogaritë gabim. Për hir të vendit, kjo duhet të vijë pa kosto për shqiptarët.”- u shpreh Basha.
