Ish-deputetja e Partisë Demokratike, Albana Vokshi ka denoncuar situatën e vështirë që sipas saj paraqitet në ambjentet e Qendrës Spitalore Universitare “Nënë Tereza”.
Vokshi shkruan se njerëzit presin me orë të tëra për të marrë trajtimet mjekësore, ndërsa nuk ka karrige për të pritur dhe shtrati sipas saj është një dëshirë e paarritshme.
Reagimi i plotë:
Për këdo që ka një hall me një të sëmurë këto ditë, #urgjenca e #QSUT është shndërruar në një tmerr pa fund.
Qindra pacientë që presin me orë e orë të tëra pa marrë asnjë shërbim mjekësor; që ulërasin nga dhimbjet e bërtasin duke kërkuar shërbim. Një shtrat është kthyer në një dëshirë të paarritshme.
Nuk ka as karrike për pacientët që përfundojnë ulur në shesh.
Injeksionet dhe analizat e gjakut në rastin më të mirë bëhen në karrike, duke rënkuar nga dhimbjet që nuk kurohen.
Miliona Euro cdo muaj që shkojnë PPP për oligarkë e klientë të Qeverisë, por asnjë shërbim për qytetarët.
Kjo eshte shendetesia #falas e Edi Ramës!
