Basha: KiE konfirmoi, beteja më jetike sot është për zgjedhje të lira

Kreu i Partisë Demokratike Lulzim Basha, ka përshëndetur sot deklaratën e zyrtarëve të Këshillit të Europës në lidhje me votimet e 30 qershorit 2019.
Basha nëpërmjet një postimi në rrjetet sociale deklaron se KiE ritheksoi se në 30 qershor nuk pati zgjedhje të lira.
“Përshëndes deklaratën e Misionit të KiE që ritheksoi se në 30/06 nuk pati zgjedhje, se pushteti vendor sot nuk është pluralist, dhe as i qytetarëve.
Beteja më jetike sot është për zgjedhje të lira dhe të ndershme, për ti kthyer qytetarëve qeverisjen legjitime qendrore dhe vendore”, shkruan Basha.