E ftuar në “ABC e mëngjesit” zëvendësministrja e Brendshme, Rovena Voda ka folur për paketën “Anti-KÇK”. Sipas saj, parimet e këtij akti normativ janë rritja e sigurisë publike.
“Parimet e këtij akti normativ janë tepër të qarta, synon rritjen e sigurisë publike në të gjithë territorin. Paketa Anti KÇK” synon ruatjen e sekretit”, u shpreh Voda.
Enkel Demi: Si ruhet sekreti kur vetëm dje është bërë publike emri i një të penduari?
Rovena Voda: E di që është në hetim. Nuk di të jetë bërë publike.
Enkel Demi: Keqmenaxhimi i ligjit ka sjellë këtë situatë? Është problem për demokracinë, ne që mendojmë se po instalohet diktatura nuk jemi në mbrotjtje të kriminelëve, por ky është problem?
Rovena Voda: Çdo oficer policie ka funksionet e një policie gjyqësore. Në aktin normativ hartuesit kanë qenë të kujdeshëm, sepse ka meknizma monitorues. Ka një keqinterprentim, është komitet kombëtar. Institucionet tona çedojnë, për shkak të bashkëpunimit shumë të dobët me njëra-tjetrën.
Enkel Demi: Kryeministri i ka të gjithë mekanizmat në dorë, por kërkon që instalimi i kësaj strukture të jetë kundër kundërshtarëve politikë…
Rovena Voda: Lidhet me vërtetimin e pasurisë së personit. Koha do ta vërtetojë se sa efikase do të jetë kjo paketë. Policia e Shetit ka treguar që di të jetë e paanshme në luftën kundër krimit. Ka mekanizma garancie, të lë kohë brenda 48 orëve, por Drejtori i Përgjithsëm brenda 72 orëve është i detyruar ta pareqesë në gjykatë.
Enkel Demi: Ju keni sekuestruar si qeveri prona pa fund. Ajo çka ndodhte dje është propagandë, paraqitja e saj janë metoda fashiste. Fjalimet e kryeministrit tuaj ngjajnë me ato të Musolinit. Problemi është që ju vazhdoni me propagandën. Po dhunoni kushtetutën, këtë e thonë intelektualë, opozita gjithashtu edhe ish-ministri i drejtësisë.
Rovena Voda: Çdo njeri ka qasjen e tij. Ky është një akt normativ që do të jetë një vegël në duart e policisë për të parandaluar krimin.
Enkel Demi: I keni pasur të gjitha veglat çfarë keni bërë 7 vite?
Rovena Voda: Policia ka qenë e penguar të ketë akses në të dhëna të rëndësishme. Edhe po të hynte një terrorist në Tiranë policia nuk bënte dot asnjë gjë.
Enkel Demi: Po merrni kompetencat e Prokurorit?
Rovena Voda: Ne u bëjmë bllok që në fillim këtyre elementeve, policia nuk ka nevojë të shkojë më në Gjykatë.
Enkel Demi: Ju po pranoni që po kaloni kompetencat?
Rovena Voda: Jo ne nuk i kalojmë, por ndihmojmë Policinë e Shtetit të ketë akses në database të rëndësishme. Po lirojnë anëtarë të bandave kriminale. Të mos mendojnë që i kanë larë hesapet me drejtësinë. E gjitha kjo ka një mesazh të qartë. Lufta kundër krimit nuk do të ketë kompromis me ne. Prokuroria dhe Gjykata janë pushtete të pavarura, ju duket sikur i ka kryeminsitri. Po ku e ka mo Keli, më thuaj ku e ka? Kriminelët të mos mendojnë se do të rrinë të gëzojnë pasuritë e tyre.
