Një aksident i rëndë është regjistruar pak minuta më parë në Pogradec në të cilin janë përfshirë tre makina.
Mësohet se aksidenti ka ndodhur në vendin e njuhur si “Tuneli panoramik”, ndërsa të plagosur kanë mbetur tre persona mes të cilëve edhe një punonjës policie të cilët janë dërguar menjëherë në spital.
Raportohet se punonjësi i policisë ka marrë plagë të lehta ndërsa ende nuk dihet gjendja e dy personave të tjerë.
Policia ka mbërritur në vendin e ngjarjes ku po punohet për zbulimin e shkaqeve dhe rrethanave të aksidentit.
NJOFTIMI I POLICISË:
Pogradec/Informacion paraprak
Më datë 28.01.2020, ora 19:30, në dalje të “Tunelit Panoramik”, ka ndodhur një aksident ku mjeti tip “Ford” me drejtues shtetasin I.R., rreth 60 vjeç, banues në Pogradec, ka përplasur një mjet tip furgon, i cili ishte ndaluar për kontroll nga shërbimet e Policisë Rrugore.
Për pasojë janë dëmtuar drejtuesi i mjetit tip “Ford” shtetasi I. R., pasagjeri i këtij mjeti shtetasi L. R., 55 vjeç, banues në Pogradec, si edhe punonjësi i Policisë Rrugore A. I., të cilët ndodhen në Spitalin e Pogradecit, aktualisht jashtë rrezikut për jetën.
Grupi hetimor po punon për zbardhjen e rrethanave të ngjarjes dhe përcaktimin e shkaqeve të aksidentit.
