Po kthehet në traditë tashmë. Në çdo ndeshje futbolli nuk mungojnë as thirrjet kundër kryeministrit Edi Rama.
Rasti më i fundit vjen sot nga stadiumi “Skënderbeu” në Korçë.
Në nisje të sfidës mes vendasve dhe Partizanit, “Ujqërit” nisën brohoritjet në kor “Rama ik!”, “Rama ik!”.
Kjo nuk është hera e parë që në stadiumet shqiptare tifozët brohorasin kundër shefit të qeverisë.
E njëjta gjë ka ndodhur edhe në “Air Albania Arena” në dy raste, në stadiumin e Shkodrës dhe atë të Vlorës…
Sfida mes Skënderbeut dhe Partizanit u mbyll me fitoren e korçarëve me shifrat 3-2.
/syri.net/
