Zgjedhje të reja në degët e PD-së, parashikohet një strukturë e re drejtimi. Do të ketë një kryetar partie për çdo qytet dhe nga një tjetër për fshtarat
Ka pak muaj që është mbyllur procesi i zgjedhjeve në Partinë Demokratike, por kryetari Basha ka vendosur t’i rikthehet zgjedhjeve në këtë parti. Burime nga PD, i thanë 27.al se një udhëzim i ri i Bashës është ndarë në të gjitha strukturat drejtuese të partisw në bazë. Udhëzimi parashikon ndarjen e degëve të partisë Demokratike jo në bazë të njësive administrative siç janë aktualisht por ndan fshatin me qytetin.
Pra Tirana do të ketë në vazhdimësi kryetar të PD-së për qytetin por edhe kryetar të PD-së së Tiranës për fshatin. E njëjta strukturë do të funsksionojë në të gjtiha rrethet e vendit.
Ky proces i ri i zgedhjeve brenda Partisë Demokratike duket se do t’i shërbejë Bashës si një shans i dytë për të angazhuar në drejtimin e partisë njerzit e tij. Duke qënë se në procesin e parë zgjedhor për kryetarë të Partisë në rrethe, pati një ndikim të theksuar Berisha, ky proces ndoshta i krijon atij mundësinë të përfshijë sa më shumë të mundet njerëz të tij në PD.
Megjithse do të jetë e vështirë sepse pak ditë më parë u zgjodhën në krye të grupeve të punës, pikërisht njerzit e Berishës. Ata do të kenë nën kontroll edhe procesin e zgjehdjeve të reja në PD. Sidoqoftë kjo është një mundësi e mirë për Bashën jo vetëm për të rritur numrin e njerëzve të tij në parti por për të zvogëluar peshën e votës së secilit.
Ky udhëzim i kryetarit të PD-së është pritur me reagime kundërshtuese nga baza e partisë, kryesisht nga kryetarët e zgjedhur pak muaj më parë. Ata e shohin si një proces të panevojshëm referuar edhe faktit se për pak muaj nis viti elektoral dhe PD në opozitë nuk e ka lluksin të vazhdojë të merret me zgjedhje ndërkohë që të tjera organizime kërkojnë më shumë vëmëndje në prag fushate. Procesi i zgjedhjeve të reja në parti mund të zgjasë disa muaj dhe ky shihet si një tjetër problem i këtij udhëzimi. Sipas drejtuesve lokal është edhe fakti se kryetarët e rinj të partisë nuk do të kenë kohëne mjaftueshme për të bashkëpunuar me elektoratin.
