Pas miratimit në Kuvend të paketës “Antishpifje” ka reaguar edhe Presidenca.
Zëdhënësi i presidentit Ilir Meta, Tedi Blushi sqaron se do të ketë një reagim të presidentit Meta pasi të njihet zyrtarisht me ndryshimet ligjore dhe relacionin shoqërues.
I pyetur nga mediat, se cili do të jetë qëndrimi i Presidentit të Republikës ndaj së ashtuquajturës ‘Paketë anti-shpifje’, Zëdhënësi i Tij, z.Tedi Blushi sqaron se:
Presidenti i Republikës Sh.T.Z Ilir Meta do të shprehet në kohën e duhur, pa u ndikuar nga askush përveç Kushtetutës dhe ligjit.
Pasi të njihet zyrtarisht me ndryshimet ligjore dhe relacionin shoqërues, Presidenti Meta do të ndërtojë një proces shterues ligjor, dhe do i njohë qytetarët me qëndrimin e tij përfundimtar.
