Shqipëria e fillon kryesinë e radhës së OSBE-së për vitin 2020, por ndasitë dhe krizat politike në Shqipëri, ishin një temë e pashmangshme duke patur parasysh që disa nga ato sfida, me të cilat përballet OSBE-ja dhe do t’i duhet të merret Shqipërisë si kryetare e radhës, ajo i ka ende të pazgjidhura plotësisht vetë, si sistemi zgjedhor, lufta kundër korrupsionit dhe shteti ligjor, si edhe demokratizimi.
Një shembull është debati i fundit për paketën anti-shpifje, që OSBE-ja ka sugjeruar të rishikohet por që qeveria deri tani duket se nuk ka synim ta bëjë.
Bob Hand, këshilltari Politik i Komisionit të Helsinkit tha se çështje si kjo vënë në pikëpyetje autoritetin moral të Shqipërisë, kur trajton çështje të lirisë së medias në vende të tjera: “Shqetësimi im kryesor është se është problematike për Shqipërinë që Shqipëria t’i ketë këto ligje, por edhe do të jetë e vështirë që Shqipëria që të ngejë zërin për lirinë e shprehjes në ato vende të OSBE-së që kanë më shumë kufizime se Shqipëria në këtë drejtim”, i tha Zërit të Amerikës, zoti Hand.
Marrë me shkurtime nga syri.net
