Presidenti i vendit Ilir Meta ka zhvilluar sot një takim me ministrin e Jashtëm italian Luigi Di Maio.
Meta e ka falenderuar kreun e diplomacisë italiane për ndihmën që vendi i tij dha menjëherë pas tërmetit shkatërrimtar të 26 nëntorit.
“Kënaqësi të takoja sot Ministrin e Punëve të Jashtme dhe Bashkëpunimit Ndërkombëtar të Republikës Italiane, Sh.T.Z. Luigi Di Maio.
Shpreha falënderimet dhe mirënjohjen e thellë për ndihmën e menjëhershme të dhënë nga Italia mike në operacionet e kërkim-shpëtimit pas tërmetit të 26 nëntorit 2019 që goditi vendin tonë. Asistenca italiane për rindërtimin dhe rehabilitimin e zonave të prekura është e mirëpritur!
Partneriteti strategjik mes Shqipërisë dhe Italisë dhe marrëdhëniet e shkëlqyera e tradicionale mes dy popujve tanë, meritojnë të forcohen më tej, për një ardhme më të ndritur!” shkruan presidenti Meta në një postim në rrjetet sociale.
