Shtatë prej tyre janë shqiptarë ndërsa 20 të tjerët shtetas Italian
Policia italiane në bashkëpujim me policinë shqiptare, kanë arrestuar sot 27 persona pjesë enjë grupi kriminal. Shtatë prej tyre janë shqiptarë ndërsa 20 janë shtetas Italian. Ata akuzohen për trafikimin e kokainës dhe hashash në Italinë e Veriut.
“Veprimtaria hetimore në bashkëpunim me partnerët ndërkombëtarë është në vijim në Itali, Shqipëri dhe Austri në mënyrë që të zbulohen lidhjet dhe bashkëpunëtorët e mundshëm e këtij grupi të trafikut të drogës” informon policia e shtetit. Hetimet e këtij operacioni kanë nisur në vitin 2014 e janë shtrirë në provincat e qyteteve Milano, Bergamo, Bresha, Komo, Monza e Brianza, Sirakusa e Varese.
Sipas mediave italiane, kjo organizatë kriminale trafikonte lëndë narkotike nga Vendet e Ulëta drejt provincës së Milanos, Monzës, Bianzës e Sirakuzës.Gjatë operacionit u sekuestruan 10 kg kokainë, 15 kg hashash, 680 gramë marijuanë një pistoletë pa leje. Ndaj 5 personave anëtarë të kësaj bande është vendosur urdhërarresti në kërkim europian, ndërsa ndaj 4 të tjerëve urdhëri i arrestimit në kërkim ndërkombëtar.
