Bllokohen dy autobusa me nxënës në Zvërnec, një prej tyre del nga rruga –

Një incident është regjistruar mesditën e sotme në zonën e Zvërnecit, pranë Manastirit, ku dy autobusë janë bllokuar gjatë tentativës për t’u shkëmbyer në një segment të ngushtë rruge.

Për pasojë, mjeti ka mbetur i bllokuar, duke penguar qarkullimin në këtë segment rrugor. Në vendngjarje ndodhen disa persona që po punojnë për zgjidhjen e situatës dhe nxjerrjen e mjetit nga pozicioni i vështirë.

Sipas informacioneve, në autobusa ndodheshin nxënës që ishin në një udhëtim shkollor. Megjithatë, nuk raportohet për persona të lënduar apo dëme materiale.

Situata është shkaktuar nga ngushtësia e rrugës dhe vështirësia për kalimin e mjeteve të mëdha në këtë zonë.

gijotina.com/