Kreu i Partisë Demokratike, Lulzim Basha ka vizituar qytetarët e prekur nga tërmeti të strehuar në hotelet e llixhave në Elbasan.
Basha tha se janë 60 persona që kanë ardhur nga Durrësi prej dy ditësh, ndërkohë që iu ka shprehur mirënjohje hotelierëve dhe personelit.
“Hotelet në Llixhat e Elbasanit kanë hapur dyert për familjet e goditura nga tërmeti dhe janë gati të akomodojnë qindra njerëz në nevojë. 60 të parët kanë ardhur prej dy ditësh, kryesisht nga Durrësi. Jam i prekur dhe thellësisht mirënjohës për zemërgjerësinë bujare dhe dhembshurinë njerëzore të hotelierëve dhe personelit të hoteleve. Kjo është Shqipëria e vërtetë e njerëzve me zemër të madhe!”, shkruan Basha.
