Pas vizitës katër ditore në Zagreb dhe Gjermani, kryetari i Partisë Demokratike, Lulzim Basha shprehet se theksi që kanë vendosur drejtuesit më të lartë të BE-së sa i takon hapjes së negociatave ka qenë pikërisht përmbushja e kushteve nga ana e Shqipërisë.
Basha theksoi tha se vende si Serbia kanë përfituar nga Gjermania pasi kanë thithur investime gjermane që kanë krijuar 66 mijë vende pune me mesatarisht 1200 euro në muaj.
Sipas liderit të opozitës, Serbia para 10 vitesh e kishte pagën mesatare sa Shqipëria por tani na ka parakaluar ndjeshëm falë investimeve të huaja.
“Kërkesa e parë e PPE është hartimi pa vonesë dhe miratimi i reformës zgjedhore duke vënë theksin te vullneti politik. Çfarëdo ndryshimesh që duhen bërë nuk kanë pikë vlere nëse nuk ka një mekanizëm për zbatimin e tyre. Bërjen funksionale sa më shpejt të Gjykatës Kushtetuese dhe vendosjen mbi procesin farsë dhe antikushtues të 30 qershorit me një vendim final dhe të prerë të Gjykatës Kushtetuese. Papajtueshmërinë totale me shit-blerjen e votave dhe thirrjen që të hetohen dhe çohen në burg të gjithë personat e përfshirë. Zbatimin pa ekuivok të ligjit të dekriminalizimit dhe nxit ngritjen sa më shpejt të SPAK dhe BKH”, u shpreh lideri i opozitës.
