Eshtrat e 193 ushtarëve grekë të rënë gjatë luftës italo-greke janë varrosur sot gjatë një ceremonie fetare të organizuar në Këlcyrë.
Në ceremoni ishte i pranishëm Kryepeshkopi Dimitrios, ambasadorja greke në Tiranë Sofia Filipidu, zyrtarë lokalë dhe përfaqësues të minoritetit grek.
Që prej nënshkrimit të marrëveshjes dypalëshe mes Shqipërisë dhe Greqisë në vendin tonë janë varrosur 1050 ushtarë grekë, nga të cilët 950 në Këlcyrë dhe 100 në Bularat.
Gjatë luftës italo-greke 79 vjet më parë në trojet shqiptare janë vrarë 8500 ushtarë grekë.
