Tirana u godit pak minuta më parë nga një tjetër tërmet me magnitudë 3.6 ballë i shkallës Rihter.
Në një lidhje telefonike me “News24”, sizmiologu Rexhep Koçi pohoi se nuk mund të përjashtohet fakti se mund të ketë të tjera lëkundje, por në intensitet të ulët.
“Sot është regjistruar një tërmet me magnitudë 3.6, 23 km në veri të Tiranës. Punonjësit tanë do të nxjerrin dhe parametrat e tërmetit dhe magnitudën e tij. Deri tani këto të dhëna disponojmë. Do të ketë një numër të kufizuar tërmetesh, por edhe mundet mos të ketë”, pohoi sizmiologu.
