Kreu i Partisë Drejtësi Integrim dhe Unitet, Shpëtim Idrizi i ftuar sot në një intervistë për Syri.net ka folur për Çështjen Kombëtare Shqiptare, referuar Çështjes Çame.
Idrizi shprehet se qeveria aktuale shqiptare i ka dhuruar Greqisë lëshimet më të mëdha ndaj Shqipërisë, që nuk i ka pasur në këto 20 vjet.
Kryetari i PDIU-së thekson se ndërkohë që Greqia akoma njeh ligjin e luftës, kryeministri Rama do ta bëj një nga partneret më strategjike.
“Greqia ka qenë gjithmonë e qartë në vijat e kuqe të vetat, i ka përsëritur pa dallim nga ndryshimet e kryeministrave.
Qeveria shqiptare asnjëherë nuk ka qenë e qartë, madje gjithmonë ka qenë servile.
Unë pashë takimin e kryeministrit Rama me Mitsotakis në OKB.
Nga njëra anë ata folën për të drejtat e minoritetit, për të drejtat pronësore. Ne të gjithë këtu jetojmë dhe unë nuk di që të ketë probleme me pakicat kombëtare në Shqipëri, madje Shqipëria ka qenë vendi më pranues. Ndërkohë Greqia nuk i njeh minoritetet dhe madje nuk ka nënshkruar as Konventën Kombëtare të Këshillit të Europës.
Nga ana tjetër nuk e pashë kryeministrin e Shqipërisë të fliste për ata që janë vijat e kuqe të Çështjes Kombëtare Shqiptare.
Adresimi për heqjen e ligjit të luftës. Deri dje Rama fliste për ta bërë partner strategjik Greqinë, një vend që nuk njeh as Çamërinë as Kosovën. Heqja e ligjit të luftës, i pranuar tashmë nga Greqia nuk u përmënd.
Të drejtat e komunitetit të shqiptarëve të Çamërisë, nuk u përmendën. Ndërkohë që ky kryeministër i ka bërë Greqisë lëshimet më të mëdha në 20 vitet e fundit, si bërja e varrezave të ushtarëve grek të ardhur si pushtues në Shqipëri gjatë LIIB, ndërkohë nuk u kujtua asnjëherë për varrezat e shqiptarëve të Çamërisë. Ka bërë një marrëveshje për toponimet, ku 700 pleq çam që kanë lindur në Çamëri duhet të heqin nga pasaporta vendlindjen e tyre, Çamërinë”, tha Idrizi.
https://www.facebook.com/portali.syri.net/videos/895387257525699/?t=0
