Stuhitë me rrufe dhe tornado mbërthejnë Greqinë, shënohen 2 viktima

Moti i keq me rrufe dhe erë të fortë ka goditur orët e fundit Greqinë Perëndimore si dhe fatkeqësisht ka shkaktuar dy viktima.
Dy persona kanë humbur jetën nga goditja e rrufesë, njëri në Ilia të gadishullit të Peloponezi ndërsa qytetari tjetër duke mbledhur hekurishte në një landfill në Kyparissia.
Në Kalamata era e fortë ka shkulur dhjetëra pemë, janë dëmtuar automjete dhe janë thyer shumë vitrina dyqanesh.
Ndërkohë në Amalida një tornado që ka kaluar pranë zonave të banuara ka shkaktuar dëme në disa banesa dhe dyqane.
Sipas sinoptikanëve këto fenomene do të godasin në orët e ardhshme Thesalinë, Maqedoninë dhe Trakën dhe do të vazhdojnë deri në orët e para të së mërkurës ne ishujt e Egjeut Lindor dhe atij juglindor.