Pas deklaratës së presidentit Meta në Komisionin Hetimor, i cili tha se vendimin për çdekretimin e datës së zgjedhjeve e mori pasi kishte informacione që parlamenti do të digjej, 9 deputetë të Kuvendit kanë reaguar.
Deputetët e Kuvendit të Republikës kanë bërë një kërkesë, përmes së cilës kërkojnë mbajtjen e një seance dëgjimore me kryetarin e Shërbimit Informativ Shtetëror, Helidon Bendo.
Pas kësaj kërkese kreu i këtij institucioni, Helidon Bendo do të thirret në Komisionin e Sigurisë për t’u pyetur në lidhje me deklaratat e bëra nga kreu i Shtetit, Ilir Meta.
