Presidenti i Kosovës Hashim Thaçi i bën thirrje shtetit japonez për shtimin e ndikimit në rajonin e Ballkanit.
Gjatë vizitës zyrtare në shtetin aziatik, kreu i shtetit deklaroi se është e nevojshme përfshirja e SHBA-së, Perëndimit dhe Japonisë në parandalimin e influencave përçarëse në Ballkan.
“Qytetarët e Kosovës janë njëzëri për anëtarësim në NATO dhe BE. Por, në rajon kanë filluar të depërtojnë edhe ndikime të shteteve dhe ideologjive tjera, kundërshtare të vlerave dhe parimeve perëndimore. Kosova u ka bërë ballë këtyre tendencave dhe vazhdon t’i kundërshtojë. Megjithatë, këto kanë shkaktuar përçarje në rajon. Kosova sot ka mekanizmat e sigurisë, kapacitetet për të garantuar sundim të ligjit, infrastrukturë për të garantuar investimet”, deklaroi nga Japonia presidenti Thaçi.
