Dy persona kanë rënë në prangat e policisë së Tiranës pasi akuzohen për veprën penale “Heqja e paligjshme e lirisë” kryer në bashkëpunim.
Ndërkohë policia ka arrestuar edhe dy persona të tjerë për veprat penale “Plagosja e lehtë me dashje“ dhe “Përndjekja”.
Mësohet se për akuzën “Heqje e lirisë” në kërkim ishin shpallur shtetasit F. M., 35 vjeç dhe S. M., 19 vjeç, banues në Tiranë.
Ndërsa u arrestuan në flagrancë për veprën penale “Plagosja e lehtë me dashje”, i shtetasit A. Ll., 24 vjeç, banues ne Tiranë, person me precedent kriminal në fushën e narkotikëve. Arrestimi i tij u bë pasi në rrugën “Muhamet Gjollesha” Tiranë, për motive të dobëta ka goditur me sende të forta në kokë dhe trup, shtetasin M. T., 64 vjeç, banues në Tiranë, i cili ndodhet jashtë rrezikut për jetën.
Ndërkohë A. K, 36 vjeç, banues në Laç u arrestua pasi ky shtetas ishte shpallur në kërkim policor dhe është kapur në rrugën “Myslym Shyri”, nga ana e Seksionit të Krimeve të Komisariatit të Policisë Nr. 2.
Shtetasi A. K., ka përndjekur në mënyrë të vazhdueshme ish të dashurën e tij dhe ka ushtruar dhunë fizike ndaj saj për mos u larguar, por kjo shtetase ka bërë kallëzim në Polici.
