Policia italiane ka arrestuar një grup trafikantësh të lëndëve narkotike ditën e sotme, mes të cilëve edhe dy shqiptarë.
Sipas mediave italiane, policia kishte nisur hetimet për grupin rreth tre muaj më parë, ndërsa gjatë arrestimit, të dy shqiptarëve dhe dy italianëve të arrestuar, u gjet 4 kilogramë kokainë e pastër si dhe disa mijëra euro. Të arrestuarit janë të moshës 30-35-vjecc, ndërsa vepronin në Massa Carrara.
Policët u shtirën si çiklistë për të mësuar se ku e fshihnin drogën trafikantët, e cila vinte nga Lombardia.
Katër personat e merrnin më pas me makinë dhe e dërgonin në një apartament në Marina di Massa dhe e ruanin të fshehur nën një dyshek, ndërsa shtëpia ruhej me roje.
