Një shqiptar 40-vjeçar ka humbur jetën dhe një tjetër është plagosur në një aksident të rëndë në Greqi.
Ngjarja ka ndodhur mëngjesin e kësaj të diele në Trikala, raportojnë mediat greke.
Mësohet se automjeti me të cilin udhëtonin shqiptarët u përplas me një shtyllë betoni.
Zjarrfiksja dhe policia nxorën nga automjeti i dëmtuar trupin e pajetë të shoferit shqiptar dhe pasagjerin që kishte mbetur i plagosur, gjithashtu shtetas shqiptar 40 vjeç.
Mediat greke nuk kanë bërë të ditur identitetin e viktimës.
