Lidhur me përdorimin e gazit helmues dhe lotsjellës në Shqipëri si dhe arrestimin e grave, kanë reaguar edhe gratë e Partive Popullore Europiane, PPE.
Ato shprehen shumë të shqetësuara në lidhje me këtë, pasi protestat duhet të jenë demokratike dhe nuk duhet të lëndohen gra dhe fëmijë.
“Gratë e PPE në Talin janë shumë të shqetësuara për lajmin e arrestimeve të grave dhe përdorimin e gazit lotsjellës kundër grave dhe fëmijëve që protestojnë në mënyrë paqësore për demokraci. Ne i bëjmë thirrje autoriteteve të BE-së që të veprojnë.”- shkruhet në reagim.
