Një shifër alarmante është publikuar nga INSTAT lidhur me viktimat në aksidentet rrugore në Shqipëri.
Të dhënat e fundit të Institutit të Statitikave tregojnë se çdo dy ditë, një shqiptar vdes në aksident rrugor. Sipas INSTAT-it, gjatë periudhës janar-maj të këtij viti u shënuan 583 ngjarje të tilla, me pasojë vdekjen e 76 personave dhe plagosjen e 697 personave. Në 87% të rasteve, shkaktarë të aksidentit janë drejtuesit e mjeteve.
Eksperienca e viteve të kaluara ka treguar se numri i aksidenteve pëson rritje gjatë muajve të verës për shkak të shtimit të mjeteve në qarkullim, nga ardhja e emigrantëve, por edhe turistëve të huaj.
