Sekretarja e Përgjithshme e PDIU-së Mesila Doda, i është bashkuar sot protestës së gjashtë kombëtare të opozitës.
Nga protesta, Doda në një deklaratë për gazetarët është shprehur se sot ka vetëm një mesazh “Rama Ik”, ky është fundi.
“Është pamje e jashtëzakonshme e protestës së njerëzve të lirë. Ka vetëm një mesazh “Rama Ik”, ky është fundi. Mbasi shikojmë dhjetëra mijëra njerëz në një Shqipëri normale, në një vend si Europa, ka vetëm një mesazh: Kjo është rruga jote, rruga jote është vetëm ikja. Dhe njëherë po të bëjmë thirrje, duhet të ikësh dhe ta çlirosh këtë vend, ndryshe fundi jot do jetë shumë më i trishtuar.
Njerëzit kanë të drejtë të bëjnë çdo lloj proteste që ata mendojnë sepse u ka ardhur shpirti aty ku nuk mban më. Sot përgjigja është shumë e thjeshtë. Kjo është protestë e njerëzve të lirë. Do të vazhdojmë të protestojmë edhe me më shumë njerëz në shesh. Rama ka dhunuar zgjedhjet e lira, ka dhunuar votën e lirë. Vetëm një mesazh, një Shqipëri normale me zgjedhje të lira.”- tha Doda.
