Themeluesi i WikiLeaks, Julian Assange akuzohet nga departamenti amerikan i Drejtësisë për publikimin e informacioneve të klasifikuara.
Në akuzat prej 18 pikash, Julian Assange ngarkohet për komplot me Chelsea Manningun për të mbledhur dhe publikuar dokumente të klasifikuara të mbrojtjes kombëtare duke përfshirë kabllogramet e Departamentit të Shtetit dhe raportet mbi luftërat në Irak dhe Afganistan.
Aty thuhet mes tjerash se veprimet e tij “rrezikonin të dëmtonin seriozisht” Shtetet e Bashkuara.
Kujtojmë se Assange u akuzua një muaj në herët për komplot me ish-analisten e shërbimit të zbulimit të ushtrisë amerikane, Chelsea Manning, për të thyer fjalëkalimin e një kompjuteri të Departamentit të Mbrojtjes.
