Kryetari i Partisë Demokratike, Lulzim Basha deklaron se kryeministri Edi Rama po dhunon artin dhe shkencën njësojë siç po bën me rendin demokratik.
Përmes një reagim në “Twitter”, Basha thekson se ashtu si në zgjedhjet e tjera false, edhe në Akademinë e Shkencave kryeministri po synon të “gatuajë” emrin e Skënder Gjinushit.
“Ashtu si “zgjedhjet” e tjera fallco edhe në Akademinë e Shkencave po gatuhet “zgjedhja” e Gjinushit. Rama dhe banda në pushtet dhunon shkencën dhe artin njësoj si demokracinë, pronën, qytetarin, ekonominë, të drejtat politike, drejtësinë. Asnjë hap pas! #ShqipëriaSiEuropa #25Maj”, shkruan Basha në twitter.
