Që prej ditës së djeshme, Venezuela ndodhet në një situatë mjaft kaotike, ku ushtarakët po përleshen me protestuesit në përpjekje për t’i shpërndarë.
Kjo tablo ka ngjallur tek ndërkombëtarët frikën e shpërthimit potencial të një lufte civile.
Sekretari Amerikan i Shtetit në Venezuelë, Mike Pompeo, është shprehur se në rast nevoje, Shtetet e Bashkuara të Amerikës do të ndërmarrin një sulm ushtarak.
Pompeo tha se SHBA-të kanë qenë dhe do të mbeten një “armike” e presidentit Maduro dhe mbështesin opozitën e vendit.
Pompeo vuri në dukje se kreu i Shtëpisë së Bardhë, Donald Trump, mund të marrë një vendim në formën e një ultimatumi për urdhërimin e një ndërhyrjeje ushtarake me synim stabilizimin e jetës politike dhe shoqërore të vendit.
