Kryetaraja e LSI-së, Monika Kryemadhi ka deklaruar se protestat e sotme janë protesta të të gjithë shqiptarëve dhe jo vetëm të opozitës.
Nga kryqëzimi i Durrësit, Kryemadhi shprehet se Rama duhet të tërhiqet pasi i ka shkatërruar shqiptarët.
“Sot kanë ardhur kaq shumë njerëz. Sot Shqipëria merr mesazh dhe shpërndahet në të gjithë vendin. Kjo bëhet për të gjithë ata që nuk kanë mundësi të vijnë në Tiranë. Sot jemi këtu dhe nëser do të jemi diku tjetër. Këto nuk janë më protestat e opozitës, janë protestat e shqiptarëve. Nuk ka rrugë tjetër. Është paralajmërim për Ramën. Nuk ka filluar akoma mosbindja civile. Sot protestat në 5 pika kryesore janë për ti thënë Ramës, je akoma vonë, mos vazhdo të provokosh shqiptarët, por tërhiqu. Një kryeministër që i ka shkatërruar shqiptarët duhet të largohet.”-shprehet Kryemadhi.
