Aksident në Bulqizë, 4 të plagosur, 2 në gjendje të rëndë

Një aksident i rëndë ka ndodhur mëngjesin e sotëm në Bulqizë, ku 4 persona kanë mbetur të plagosur.

Mësohet se dy prej të plagosurve paraqiten në gjendje më të rëndë ku janë transportuar me helikopter drejt spitalit të Traumës në kryeqytet.

Bëhet me dije se shkak i aksidentit dyshohet se është bërë parakalimi i kamionit nga një autoveturë, e cila më pas ka dalë nga rruga.

Forca të shumta policie ndodhen në vendin e ngjarjes, për të dokumentuar rrethanat e mundshme të aksidentit.