Me të vërtetë Milani humbi një trajner si Sinisha Mihajlloviç, por ka rifituar një thesar të zjarrtë si Bledian Koka.
Pasi klubi i lavdishëm i Milanos ka bërë të ditur se e largoi serbomadhin Sinisha nga drejtimi i pankinës, Bledian Koka vendosi të thyejë bojkotin e gjatë nëntë mujor që kishte shpallur në mënyrë të njëanshme ndaj skuadrës së tij të zemrës dhe të Berluskonit, Milan.
Si patriot i dalluar, Blediani kishte shpallur që nuk do të shihte më asnjë ndeshje sa kohë që në drejtimin e skuadrës të ishte ky serb nacionalist që bie ndeshje me ndjenjat tona kombëtare. Tashmë, ashtu si bën vetë me dije në faqen e tij, Blediani i është rikthyer dashurisë së tij të vjetër, duke ia falur tradhëtinë.
Mësohet që Berluskoni, por veçanërisht Galiani tashmë janë të gëzuar për zgjedhjen që kanë bërë.
Gazetari i mirënjohur ia dedikon karrierën e tij televizive një tifozeje tjetër të çmendur futbolli, por kësaj here të Leyton Orient si Sonila Meço.
