Lidhur me protestën e ditës së djeshme, nënkryetari i Partisë Demokratike, Edi Paloka pohoi se ajo arrit qëllimin duke treguar një pjesëmarrje të madhe.
I ftuar në studion e lajmeve në “News 24”, Paloka tregoi se qytetarët dalin në shesh, pasi janë të lodhur nga qeverisja e kryeministrit.
“Kryeministri të tregojë se ku ja ka mbathur. Protesta arriti të ishte edhe më madhe se ajo e 16 marsit. Ajo që ne kemi kërkuar është pjesëmarrja e qytetarëve në protestë. Ajo ishte protesë masive. Protesta është transmetuar edhe në mediat e huaja. Qytetarët nuk po lodhen dhe nuk po tremben. Njerëzit rrëmbehen në rrugë dhe burgosen dhe përfundojnë në biruca. Edi Rama është i vetmi dhe qeveria e tij që kanë faturë për t’iu paguar shqiptarëve. Njerëzit nuk vijnë për ne, por vijnë se janë të lodhur. Dhjetë milionë eurot kanë fluturuar dhe nuk i gjen kush. Kush janë kapur me atë që kanë kryer krimet në Shkodër”, tha ai.
