Pas shqyrtimit të kërkesës së dy partive opozitare PD dhe LSI për shkarkimin e Arta Markut si prokurore e përkohshme e përgjithshme, KLP e ka konsideruar atë si jashtë kompetencave të tij.
Anëtarët e Këshillit të Lartë të Prokurorisë bëjnë me dije se shkresa ka natyrë administrative, jashtë kompetencave të këtij organi.
Gjatë kësaj mbledhjeje KLP votoi unanimisht për Altin Dumanin si drejtues i përkohshëm në Prokurorinë e Apelit të Krimeve të Rënda. Po ashtu dhe Ardjan Nezha me 7 vota pro, 4 kundër u emërua prokuror në Prokurorinë e Pukës. KLP votoi me shumicë votash prokuroren Rozeta Qirjaqi si drejtuese në Prokurorinë e Apelit Korçë.
Gjithashtu këshilli miratoi si të komanduar dhe 6 këshilltarët që do të veprojnë pranë tij:
Arjan Muçaj, Artur Cara, Mihallaq Bleta, Mirela Kapo, Ornela Rrumbullaku dhe Vitjuna Mata.
