I kishte mbetur vetëm kjo zgjidhje e krizës; të emëronte veten ministër të Jashtëm si dhe ia pati kërkuar para do ditësh Kreu i shtetit. Fakti që deri më sot ka lodruar pa Gjykatë Kushtetuese në emër të Reformës në Drejtësi, ka qenë i detyruar të bëjë zgjidhjen e tipit “vetë Ali, vetë kadi”.
Kthimi pas i Gent Cakajt nga Presidenti i Republikës i lë atij vetëm këtë shteg shpëtimi si ka bërë dikur Enver Hoxha dhe shumë më vonë homologu i tij grek Alexis Tsipras. Megjithatë nuk dihet, nëse Edi Rama ka lexuar aq shumë sa Genti, ky riosh aq shumë i ditur, për të cilin shqiptarët anadollakë nuk patë fatin ta kishin ministër.
Në mbledhjen e së hënës së kryesisë së Partisë Socialiste, Edi Rama ka diskutuar pikërisht këtë rrugëdalje nga ngërçi i krizës.
Tani pritet që kreu i shtetit të pranojë shkarkimin e Ditmir Bushatit dhe të emërojë pa diskutime Edi Ramën ministër të Jashtëm.
