Ndalimi dhe procedimi i tij në prokurori është porositur nga vetë Panajot Barka me aktivitetet që bien ndesh me Kushtetutën e Shqipërisë. Ndalimi apo kontrolli është porositur nga kërcënimet që herë pas here që Panajot Barka u bën gazetarëve shqiptarë në Gjinokastër, të cilët thonë dhe mbrojnë të vërtetën.
Nga Arben Llalla
Para tre ditësh Panajot Barka, i cili është shefi i Departamentit të Gjuhës greke në Universitetin e Gjirokastrës, “Eqerem Çabej” u ndal në doganën e Kakavies me rreth 100 libra të propagandës antishqiptare. Vetë Barka e ka mohuar një gjë të tillë dhe deklaroi: “…disa politikanë kanë porositur arrestimin tim. Kjo është një ngjarje e tmerrshme, e cila tregon qartë se çfarë kërkon dhe synon! Frikësimi dhe rënia e çfarëdo rezistenceje për ruajtjen e identitetit. Shkelja e autonomisë universitare, liria e lëvizjes së ideve dhe librave, shpërdorimi i çdo parimi të seriozitetit dhe dinjitetit, falsifikimi i gjithë së vërtetës, thirrja e të gjithë paligjshmërisë”.
Çështja është se Panajot Barka njihet si antishqiptar që mbështet organizatat ekstremiste greke për aneksimin e jugut të Shqipërisë. Disa herë Panajot Barka ka marrë pjesë në aktivitetet antishqiptare të ashtëquajturën “Autonomia e Veriut të Epirit”, ai ka mbështetur kauzën e Babis Karathanos për aneksimin e jugut të Shqipërisë.
Janë të njohura takimet e shpeshta që ka bërë Barka me antishqiptarin e tërbuar Mitropolitin e Konicës Sebastianosin. Këto Panajot Barka nuk mund t’i mohojë, sepse janë të dokumentuara. Ndalimi dhe procedimi i tij në prokurori është porositur nga vetë Panajot Barka me aktivitetet që bien ndesh me Kushtetutën e Shqipërisë. Ndalimi apo kontrolli është porositur nga kërcënimet që herë pas here që Panajot Barka u bën gazetarëve shqiptarë në Gjinokastër, të cilët thonë dhe mbrojnë të vërtetën.
Në Greqinë “demokratike” të Panajot Barkës ekziston racizmi fetar, ku grekët që nuk i përkasin besimit orthodoks përndiqen. Ekziston racizmi racor, ku Greqia anëtare e BE, nuk njeh minoritetin turk, shqiptar, hebre, pomak, romë, egjiptas, sllavë-maqedonas, bullgarë, e kështu me radhë. Greqia e sotme sipas mendjes së sëmurë të Barkës dhe grekëve që mendojnë si Panajoti është e pastër, banohet vetëm nga grekët “etnik” të Themistoliut e Aristotelit. E pra, Panajot Barka, derisa nuk pranon ekzistencën e popujve të tjerë do të thotë që është racist, sepse i bie që Greqia e sotme nuk ka patur asnjëherë kontakte me popujt e tjerë dhe gëzon pastërti 100%!!!
Është mirë që “profesori” Panajot Barka të mbajë në Greqi disa leksione për të drejtat e minoriteteve duke bërë paralele me pakicën greke që gëzon të drejta të barabarta me qytetarët e Shqipërisë me kombësi shqiptare. Sot, minoritetet greke, sllavo-maqedonase, vllahe, egjiptase kanë partitë e tyre politike kombëtare. Mësojnë në gjuhën e tyre amtare nëpër shkollat fillore, 9 vjeçare dhe minoriteti grek që është më i përkëdheluri mëson deri në universitet.
Ende në kujtesën tonë është ngjarja, ku policia e Janinës ndaloi dy shoferë të MPJ të Shqipërisë dhe gjykata dënoi me mbi dy vite burg, vetëm se po transportonin disa dhjetëra libra që fëmijët e emigrantëve të mësojnë gjuhën amtare. Më këtë veprim Greqia tregoi se funksionon si në shekujt VIII-XIX, kur përndiqeshin shqiptarët që mësonin nga një gërmë të gjuhës shqipe.
Ndaj “profesori” duhet ta nxjerrë barkën e tij nga ky gjol, se baltovina e shpifjes dhe gjirizi i gënjeshtrës do e thithin në gropë e do ia marrin frymën.
Do qe e udhës që Panajot Barka të na tregonte rreth leksioneve që ka marrë në fillim të viteve 1990 nga organizata ekstremiste greke SFEVA, PASIVA dhe Mitropoliti i Konicës, Sebastianos për aneksimin e jugut të Shqipërisë.
P.S. Me shpresë që Panajot Barka të dënohet në bazë të ligjit dhe jo të falet, ashtu siç ka ndodhur me Fredi Belerin, i cili na përdhosi simbolet kombëtare dhe nuk u dënua asnjëherë.
