19-vjeçari shqiptar, Aleksandër Luca, që dyshohet se ka vrarë studenten Eleni Topaludhi në Rodos ka rënë viktimë e rrahjes brenda burgut të Avlonës.
Ngjarja ka ndodhur pasditen e së hënës vetëm pak orë pasi shqiptari ishte transferuar aty.
Fillimisht filloi një debat që shumë shpejt u shndërrua në një përleshje me grushta.
Sipas TV Antena, 19 vjeçari është goditur nga të burgosurit dhe ka marrë plagë në trup.
Ai është transportuar me urgjencvë në spitalin Evangjelizmo ku ka kryer kontrollet e nevojshme dhe ka marrë ndihmë mjekësore.
Mëngjesin e kësaj të marte ai ka lënë spitalin dhe është dërguar sërisht në qeli.
Kanali televiziv OPEN ka transmetuar një video nga ngjarja.
“Nuk e bëra unë, e bëri ai tjetri”, dëgjohet të thotë në video 19 vjeçari, ndërkohë që goditet nga të burgosurit e tjerë.
Drejtoria e Burgut të Avlonës në një deklaratë bën të ditur se ka hapur hetim për të zbuluar shkaqet sesi ndodhi ngjarja dhe se si të burgosurit e tjerë arritën deri tek qelia e shqiptarit i ndodhur në izolim të plotë.
