Në ditën e parë të protestës studentore, Rama pati një përgjigje të prerë. Ai tha se shiptarët nuk do të paguajnë për ngelësit.
Mirëpo me kalimin e orëve “ngelësit” u shtuan dhe ministria e Arsimit u detyrua të heqë tarifën për provimet e mbartuara.
Por mesa duket ky do të ishte vetëm fillimi për studentët. Ata në ditën e tretë të protestës e ngritën zërin edhe më fort për kërkesat e tyre, pasi po bëheshin përherë e më shumë.
Ndaj, sot në ditën e ditën tretë të protestës ka ftuar një përfaqësi të studentëve që të ulen me të në negociata.
Rama u shpreh se studentët janë të hapur të shkojnë në zyrën e tij për të diskutuar, megjithëse shprehu se do të donte të ishte duke protestuar me ta.
“Unë kam një përshëndetje për studentët. Kërkoj një takim me ta, të pandikuar, pra studentët e zgjedhur prej vetë protestuesve, kë të duan vetë ata. Ky vend e ka fituar prej pesë vitesh lirinë e protestave, pa frikën e plumbave.
Unë do të doja të isha sot një studentë protestues, por si kryeministër do të doja që të bëheshim bashkë për të përshpejtuar përmirësimin e Universiteteve. Shkurt fjala, detyra ime është ti dëgjoj shqetësimet e tyre në çdo rast që ata të duan.Kjo zyrë është e imja, po mund të jetë e tyre në çdo rast”, u shpreh Rama.
