Nga Klodian Tomorri
Kryeministri thotë me të drejtë që qytetarët nuk kanë pse të paguajnë asnjë lekë për ata që kanë zaptuar tokë me interes publik, ku kalojnë objekte të rëndësisë së veçantë si rrugë, monumente apo shkolla. Ka gjithashtu të drejtë kur i bën thirrje Ramazanit te Unaza të hapë rrugën.
Por Ramazani i Unazës nuk është i vetmi që ka zaptuar tokë me interes publik. Ka ca Ramazane të tjerë që kanë bërë të njëjtën gjë, jo për të ndërtuar shtëpi, por përbindësha 20 katësh. Vetëm se këta kanë zaptuar me ligj.
Nga vetëm 100 metra distancë, tek Rruga e Elbasanit, janë dy përbindesha të tillë. Në mes të rrugës dhe mbi trotuar. Nëse nesër do dalë nevoja për të zgjeruar rrugën atje do paguajnë qytetarët kokërr me kokërr.
Tani ose rruga e Elbasanit nuk prben interes publik si kjo e Unazës ose për kryeministrin ka dy Ramazane. Ca të pafuqishëm që i shkel me këmbë dhe ca të tjerë që u shkel syrin. Pikërisht kjo e dyta është arsyeja se pse qeveria nuk ka moral të zbatojë ligjin atje tek Unaza. Dhe ne paguajmë.
