Kryetari i bashkisë së Tiranës Erion Veliaj ka reaguar pas protestës së banorëve të “Unazës së Re”. Veliaj shpreh mirënjohjen për policët e bashkisë, ndërsa thekson se puna do e mundë dhunën, dhe qyteti do triumfojë mbi barbarinë.
“Mirënjohje të thellë policëve bashkiakë për qytetarinë e treguar përballë partisë së dhunës, hurit e zjarrit! Shërim të shpejtë oficerëve të plagosur! Si tek Lodrat, Sheshi Skënderbej dhe Pazari i Ri, puna do e mundë dhunën, dhe qyteti do triumfojë mbi barbarinë! Ta harrojnë, Tirana nuk ndalet më!”, shprehet Veliaj.
