Debate të forta ka pasur dje mes kreut të PDIU-së Shpëtim Idrizi dhe Panajot Barkës për shkak të qëndrimeve të ndryshme të të dyve për atë që ka ndodhur dy ditë më parë në Bularat ku mbeti i vrarë 35-vjeçari.
Idrizi nxorri një foto në studion e emisionit “Open” ku gazetari Barka shfaqej me një kallashnikov në dorë, ndërsa ky i fundit e ka akuzuar për vjedhje kreun e PDIU-së.
Pjesë nga debati:
Barka: Do ma japësh fjalën, le tre orë aty Shpëtim Idrizin.
Idrizi: Hajde në studio ma ngri zërin.
Barka: Ta ngre zëri se…
Idrizi: Bjere në studio dhe të ma ngrejë zërin. Pusho të mbaroj unë. Të vijë të m’i thotë këtu.
Barka: Mund të blesh kostume me lekë të vjedhur, por je i paedukatë.
Idrizi: Hajde këtu në studio të tregoj çfarë jam. Çfarë problemi ke ti? Këtë shpjegim jep ti. Është një foto, ma dërguan po e nxjerr në studio. Për gjithë gjerat e tjera eja përballë meje.
Ndërkohë që kreu i PDIU-së Shpëtim Idrizi nxorri një foto në studion e emisionit “Open” ku gazetari Panajot Barka shfaqej me një kallashnikov në dorë, ky i fundit tha se ajo nuk është gjë tjetër veçse një fotomontazh.
