Pas një hetimi dymujor, prokuroria e Shkodrës ka arrestuar dje disa mjekë dhe infermierë të spitalit rajonal, pasi akuzohen për shpërdorim detyre.
Ish-drejtori i spitalit të Shkodrës së bashku me mjekët dhe farmacistët të këtij institucioni u arrestuan dhe shpallën në kërkim, pasi në kundërshtim me detyrën i kanë kërkuar ministrisë së Shëndetësisë materiale të domosdoshme mjekësore për kabinetin e hemodinamikës më shumë sesa kishte nevoja spitali.
Sipas prokurorisë, në shkelje të ligjit, ata kanë kërkuar për blerje -tenderim, për periudhën kohore të mbetur të vitit 2016, pra, shtator-dhjetor 2016, një sasi shume te madhe 400 stendash (kateter, koronare dhe sete kirurgjikale te kardikirurgjise etj) jashtë çdo kriteri, apo kapaciteti që ky spital ka.
Mes mjekëve të arrestuar është edhe kardiologu Luan Dragusha. Dragusha u bë i njohur në mediat shqiptare vitin e shkuar pasi zgjodhi të kthehej nga Shtetet e Bashkuara të Amerikës për t’iu shërbyer qytetarëve të Shkodrës.
Mbi Dragushën është vendosur masa e arrestit me burg si edhe e pezullimit nga detyra.
“Arrest me burg dhe “Pezullimi i ushtrimit të një detyre a shërbimi publik” per Luan Dragusha mjek (caktuar dhe ekzekutuar)”,-thuhet në njoftimin e prokurorisë.
