Nga Erion Kristo
Tre thirrje:
1. Dje ndodhi kataklizmoja. U ndërpre sinjali televiziv, edhe ai analog edhe ai digjital. Njerëzit u bënë si të tërbuar në fejsbuk. Në realitet, të gjithë vrapuan të blinin dekodëra. Në atë moment u kujtova për kanaçet e lashta. Shumë njerëz u investuan për to dhe rrezikuan që t’i kishin. Sot, edhe pse të gjithë e dinë se po vidhen, e pranojnë. Në atë kohë kishte më shumë rebelizëm se sa sot.
Thirrje: U bëj thirrje njerëzve të prodhojnë kanaçe, për inat të oligarkeve.
2. Një deputet i PS u largua nga grupi për një fjalë goje. Ky reagim i të madhit na solli në kujtesë shkarkimet e famshme enveriste, kur njerëzit e pranonin dënimin e partisë. Unë e mbështes qëndrimin e deputetit, por deri më sot nuk kisha qenë në dijeni të ekzistencës së tij si deputet. A mban përgjegjësi vetë i madhi që na ofron standarde të tilla të ulëta për deputetët? Ai vetë foli për pocaqi. Ai person mund të ketë kontributet e tij në parti dhe unë s’jam në gjendje t’i gjykoj. Por ai nuk mund të jetë ligjvënës edhe për mua dhe për fëmijët e mi që kanë ngrënë nja 30 enciklopedi. Përfaqësimi vendor nuk mund të jetë kombëtar. Bëjeni këshilltar bashkie, drejtor, çfarë të doni. Po në parla – ment mbani përgjegjësi që e keni çuar, atë dhe shumë njerëz të tjerë që nuk e meritojnë. Ndërkohë dijetarët e vendit, njerëzit me vizion, me dije, etj, nuk gjejnë asnjë hapësirë.
Thirrje: Rrisni cilësine e deputetëve. Ky është Vetting-u më i mirë. Ose mos u ankoni nga zgjedhjet tuaja të padenja.
3. Rezultatet dhe qëndrimet e këtij panukllës janë tejet zhgënjyese. Ato më kujtojnë mirësinë dhe zotësinë e pararendësit të vet, që na mungon. Thirrje: a mund ta largoni këtë? Apo të largohemi ne nga futbolli?
