Nga Zef Preçi
Dihet botërisht që për gati gjysmën e shekullit të kaluar duke filluar nga mbarimi i Luftës së Dytë Botërore, Shiqpëria socialiste ka qenë “një fanar ndriçues në brigjet e Adriatikut..” Dhe përfundoi aty ku e dimë të gjithë dhe askush në botën e asaj kohe dhe aq më pak sot nuk do të dëshironte të kishte atë fat…
Mbas tri dekadash të “tranzicionit permanent” të filluar qysh shekullin e kaluar, Shqipëria socialiste e arriti përsëri lumturinë: gjithçka falas… FAAAALLLLAAASSS: Koncesione… PPP…, Rrugë…, Borxh i jashtëm që njeh vetëm rritje…Borxhe të prapambetur biznese që mbeten prapa…., Taksa që njohin vetëm rritje….., Ujë i papijshëm që paguhet sa “frengu pulen”, energji që buron nga lumi dhe kushton sa 1/3 pensioni… Papunësi që “zbutet” rrugëve të Europës… Pensione dhe paga që mbeten në vend nominalisht dhe zvogëlohen sa i takon fuqisë blerëse… Kulla qiellgërvishtëse që lartësohen sa kohë që ka para droge në qarkullim…Rritje ekonomike që nuk prodhon punësim e mirëqenie…Të gjitha këto nocione të shkollës së vjeter, përballë “arritjeve dhe fitoreve” tona… Presim raportin më të fundit të Bankës Botëtore (me të dhënat që i kemi “gatuar ne), që t’i besojë edhe më skeptiku, dmth dhe ai qe nuk ka bukë të hajë…
Të gjitha këto vijnë nga buxheti “Falas” (kujdes: Edmond Tupja mund të thoshte “Fals” në Shqipërinë tonë “tmerrësisht demokratike”…).
Ndërsa Europianët, që kanë mbetur pas me reformat, nuk arrijnë dot të kuptojnë lumturinë e Shqipërisë socialiste, prandaj shqiptarët marrin rrugët e botës perëndimore për të përhapur “përvojën e përparuar në sigurimin e bukës… jashtë vendit…”
(Reflektim ndërsa vazhdojnë recitimet live në Pallatin e Pioniereve të … me falni, të Kuvendit).
