Këtë të dielë do të luhen dy ndeshje të tjera të Kategorisë Superiore. Në orën 16:45, në “Loro Boriçi” të Shkodrës do të vihen përballë Kukësi dhe Tirana, dy skuadra që nuk kanë bërë mirë në dy javët e para të kampionatit.
Kështu, të dyja ekipeve u duhet të fitojnë me çdo kusht.
Në orën 19:45 do të luhet ndeshja mes Teutës dhe Kamzës, me durrsakët që vijnë pas dy barazimeve pa gola me Flamurtarin e Tiranën, ndërsa Kamza ka tashmë 3 pikë, pikërisht ato të fitores me Tiranën.
Ndërkohë, një ditë më parë Flamurtari dhe Partizani fituan ndeshjet e tyre të radhës. Vlonjatët mundën Luftëtarin në Gjirokastër, 1-0, ndërsa Partizani fitoi me Kastriotin, po 1-0. Bregdetarët kanë kapur në krye Skënderbeun me 7 pikë secili, ndërsa “të kuqtë” e kryeqytetit mbajnë për momentin vendin e tretë me një pikë më pak.
