Komisioneri për zgjerimin, i bën thirrje opozitës të ulet në bisedime për reformën në drejtësi por ka sqaruar se miratimi i reformës nuk mjafton për hapjen e negociatave
“Ju bëj thirrje të gjithëve të ulen në tryezën e rrumbullakët e të hedhin hapin në kilometrin e fundit për Reformën në Drejtësi”, ka thënë komisioneri për zgjerimin, Johanes Hahn, drejtuar opozitës për reformën në drejtësi. Gjatë konferencës së përbashkët për shtyp me kryeministrin Rama, Hahn tha se miratimi i Reformës në Drejtësi është hapi i parë por Brukseli do të shohë edhe zbatimien saj për të vendosur për hapin e rradhës të integrimit të Shqipërisë në BE.
“Ka qenë e rëndësishme që ne pamë se cilat ishin çështjet më urgjente, pra 5 prioritetet kyçe dhe më lejoni të them që elementi kyç i kësaj pjesë është reforma e drejtësisë. Këtu shumë shpejt na duhen vendime, dhe në fakt është e vërtetë që kjo reformë po të krahësohet me atë se cfarë ndodh me vendet e tjera fqinje është e një shkalle të paprecedent dhe me nje ndikim afatgjatë dhe shpresojmë të ketë një ndikim pozitiv afatgjatë në situatën e vendit dhe në mënyrë që të ketë një udhërrëfim përsa i përket edhe çeljes së negociatave. Është shumë e rëndësishme të ketë një vendim përpara se të fillojë zbatimi i kësaj reforme në drejtësi, në mënyrë që ne të bëjmë të mundur vlerësimin e parë dhe që të shihen edhe zbatimin nëse po ecet në drejtimin e duhur. Pra na duhen tani shumë shpejt vendime për të vazhduar punën me udhërrëfyesin që kemi në mendje, por kjo gjë është vendimtare. Një gjyqësor funksional është tejet i rëndësishëm. Ky është prioriteti i parë.
Prioritetet e tjera kyçe janë reforma në administratën publike. Ligji i dekriminalizimit dhe reforma zgjedhore. Legjislacioni të zbatohet shpejt dhe në të gjitha nivelet e nevojshme. Nëse bëhet në nivelin e duhur forcon besimin tek shqiptar. Është kyç për legjitimetin e intergritetin e institucioneve publike. Për reformën zgjedhore mirëpritëm punën teknike”, tha Hahn.
