Messi thumbon Real Madridin: Nuk do e ndërrojë “dopietën” në Spanjë me “Championsin”

Lionel Messi mendon se sezoni i Barcelonës ka qenë fantastik pavarësisht se nuk arritën të fitonin “Champions League”. Në një intervistë të gjatë për gazetën “Sport”, argjentinasi shprehet se kurrsesi nuk duhet minimizuar ajo çfarë katalnasit kanë bërë këtë sezon.

“Zhvilluam një sezon të madh, të cilin e mbyllëm me dopietë. Është e vërtetë që ëndrra e të gjithëve është Championsi, por nuk është nevoja për të minimizuar sezonin që kemi bërë. Të fitosh kampionatin dhe Championsin janë dy gjëra të ndryshme”, u shpreh ai.

31-vjeçari më pas deklaroi se nuk do tandërronte kurrsesi “dopietën” e Barcelonës me trofeun e “Champions League”.

“Jo, nuk e ndërroj. Gjatë gjithë sezonit kemi humbur vetëm tre takime, por patëm fatin e keq që të eliminoheshim nga kompeticioni më emocionues. Të fitosh La Ligan dhe Kupën e Mbretit është shumë e rëndësishme, pavarësisht asaj që ndodhi në Champions”, tha Messi.