Gabimet drejtëshkrimore në letrat dhe shkresat zyrtare nuk qenkan një fenomen vetëm shqiptar!
Një mësuese e shkollës së mesme në SHBA tashmë e dalë në pension ka marrë një letër nga Presidenti Trump, por ka vendosur t’ia ridërgojë pasi i ka korrigjuar gabimet drejtshkrimore.
Yvonne Mason me banim në Atlanta doli në pension vitin e shkuar, pasi kishte dhënë mësim për 17 vite në Karolinën e Veriut. Ajo ka korrigjuar gabimet në letrën e Trump, duke përfshirë 11 raste ku shkronja e madhe përdorej pa sens.
“Po ta kishte shkruar një nxënës i 9-vjeçares do t’i vija C ose C plus, ndërsa po të ishte punë e një nxënësi të shkollës së mesme do t’i vija D”, ka thënë mësuesja.
Mason është e vetëdijshme që letra është shkruar nga stafi, por sqaron se shkresat qeveritare duhet që së paku të jenë mekanikisht korrekte.
Mësuesja më parë i kishte nisur Trump një letër ku i kërkonte presidentit takim me familjarët që humbën të dashurit e tyre më 14 shkurt në Parkland.
Mason thotë se përgjigjia e Shtëpisë së Bardhë nuk e adressante kërkesën e saj specifikisht, megjithatë gabimet ishin mëse specifike.
