Pas publikimit të dëshmisë së Albert Veliut, Basha tha se Rama dhe Xhafaj prej 72 orësh po ushtrojnë terror ndaj familjes së tij.
Pas shfaqjes së videos, kryedemokrati paralajmëroi Ramën se do të marrë përgjigjie të ashpër nga PD nëse do të vijojë terrorin ndaj dëshmitarit.
“Largimi në fshehtësi i Agron Xhafajt, terrori ndaj dëshmitarit Veliu dhe aktiviteti i ethshëm për të prishur provat do të ishte i pamundur nëse Xhafaj nuk do të ishte Ministër i Brendshëm. Ai është aty për të shpëtuar të vëllain. E paralajmëroj sot Ramën dhe Xhafajn se për çdo hap që do të ndërmarrin për të terrorizuar Albert Veliun, do të marin përgjigjien më të ashpër nga PD, opozita dhe populli. I paralajmëroj para të gjithë shqiptarëe dhe të gjithë botës larg duart nga terroi ndaj Veliut”, tha Basha.
