Kreu i grupit parlamentar të LSI-së Petrit Vasili ka shpërthyer në akuza ndaj kryeministrit Edi Rama, duke theksuar se asnjë pjesë e sistemit të qeverisjes nuk funksionon.
Postimi i plotë
Kryeministrit të paaftë i ka vdekur qeverisja dhe bën sikur mbledh ankesa.
Qeverisja profane e kryeministrit ka vdekur politikisht, funksionalisht dhe moralisht.
Asnjë pjesë e sistemit qeverisjes nuk funksionon. Është asfiskuar i gjithë drejtimi, automatizmi administrativ dhe monitorimi shtetëror.
Tashmë një portal qesharak është fillimi dhe fundi i qeverisjes.
Ndryshkja rilindase ka degraduar e përdhosur shtetin dhe mbledhja e të ashtuquajturave ankesave lart e poshtë si një peshkim në moçal është dimensioni i vetëm i një qeverisje të vdekur.
Procese komike shkarkimesh drejtorësh të cilët i ka marrë në ballë plumbi i ankesave dhe inateve të brendshme partiake.
Pa mbledhje ankesash s’ka punë për qeverinë. Po nuk ra ankesa si peshk në rrjetë, problemet nuk zgjidhen as për 100 vjet. Kontrolli, monitorimi, inspektimi shtetëror janë tashmë një zero e madhe.
Tani jetojmë Epokën e ankesës.
Paaftësia ekstreme e këtij kryeministri pa ide, me vizion zero dhe që mendon vetëm se çdo ndodhë jo më shumë se pas 24 orësh janë dimensioni i gjymtuar i vetë këtij keqformimi që quhet qeveri.
Kryeministri i degraduar në një portal dhe me vizion sa një ankesë ky është halli i një Shqipërie pa qeverisje.
